129

12 number platform (haseeb)

Train apni makhsoos raftar se main station ki taraf badh rahi thi.
ek ajeb se bechini thi mujh mei aur mre sath baihtye hoye har musafir mein
sub ko jaldi thi station ki ek jhalak nzar aa jaye aur yeh
taveel safar khtm ho..
issi hujoom mein do aur ankhein thi
jo isi behcini ka shikar thein
per ek aur chez thi jo bar bar us ki ankho ko
uthney pe majbor karti thein..
the bag…
ussey station se xyada bag ki fkar thi..
train station mein dakhil hoi aur sub musafiro ke chehry
pe khush ki lehar dorr gaye.ek itminan tha har chehrey pe.
per phir bhi..
ussey bag ki fkar thi..
us ne ek nzar meri taraf dekha jase keh rahi ho.
wo bag utha lo..mujhye fikar hai..
magar train ruk chuki thi aur log kharye ho gaye taa keh
utar sakein.us ne phr meri taraf dekha aur phr apney bag ki taraf badh gaye.
bag utar ke shayad ussey sakon mila hoga
per abhi bhi ek behchini ek pareshani thi un ankho ko
kathayye rung ki ankehn .. jin ki gehrai napna mushkil tha..
us porey safar main mujhye bus itna yad tha..
keh jab wo hansti thi to us ki ankhen…
muskurati thien…
kuch type kartey hoye wo bogie ke darvazey ki taraf badh gaye..
aur utar gaye..
main ussi hajoom main pechey reh gaya…
apna bag uthnaey ke bad main darvazye ki taraf lapka…
ajeb harkat ki thi maine,..
main bhag para tha utanrey ke liye..
ghair-iradi torr pe..
jism aur dimagh ke yeh takrao samjh nahe aya,,,,
main utra..
ajeeb sa mahol tha..adhi rat se thoda pehley ka waqt
halki si khunki..
halki si hawa…thandi thandi si…
halki si roshni
utar ke mai ne ussey dhundeny ki koshish ki
per nahe
wo kahin nahe thi
porey platform pe sub they
per wo nahe thi..
phr maine us bridge ko dekha ko 12 number platform se 1 number platform ke darmyan bana tha
musafir us pe charch rahe they
per wo nahe thi
zameen kha gaya ya aasman nighal gaya..
wo nahe thi
ajeb si bechini se hoi aesa jase kuch bahut qeemti kho diya ho..
log idher se udher ja rahe they
aur rasta banana mushkil tha
main wahin khara ho gaya….ya shayad qadam jamm gaye….
nzrein phr bhi ussi ko talsh kr rahi thein..bilawajah…
idher udhar dekhtey hoye achanak nzar bilkul samney waley bench pe pari…
andhera sa kona…
halki si khunki
musafiro ka shor
magar wo beniaz
baithi thi
aur wohi ankehin
kuch dhund rahi thein..
us ka koi apna..jis ne ana tha,..
per khali nazrein lout ati thein wapis..
main samney tha
aur wo mere samney..
achanak us ki nzar mujh pe pari
aur ek dabi si muskurahat us ke cherey ko roshan kar gaye
kuch samjh nahe aya kya krna chahye
aya main wahinn khara ho key ,,, intzar karun ke wo kb jaye
ya chala jaun
ya us ki madad karun ja key…
kuch samjh nahe aya
dil ne kaha
jao aur us ki madad karo
“ask for help”
but phr ek awaaz aye
pata nahe kesa samjhye gi mujhye kya samjhye gi wo
nahe wo mujhye janti hai
main ussey janta hun
hum…
manoos ajnabi hein
tumeh jana chahye
per naheee…
haa ….wo tumahra naam janti hai tum us ka naam jantey ho
bus
aaahhhhhhhhhh
shayad main jeet gaya aur dil har gaya
wo abhi bhi masrof thi
kuch type karney mein
aur dekhti thi keh koi ayega ussey lene
per wo baithi thi
itminan se
jase sari khudai us ke sath hai
aur ussey koi fkar nahe
per mujhye us ki fkar ho rahi thi
aur bahut.
per wo sakon se baithi thi
jase hazaro hath hun us ki madad ko..
us andhrey mein…
wo ek pari ki tarahn chamak rahi thi,,.
mere qadam badhna shuru hoye
per us ki taraf nahe
us brdige ki taraf…
aur main chalta chala gaya…
kya yeh meri ego thi…ya mera darrr…..
har 3-4 seerhi chrhney ke bad main palat ke dekhta..
per kyun….bilawajah…
yeh sach tha
myjhye wo achi lagi thi
us weqqt se le ke jb wo seat pe akey baithi thi
aur tb tk jb tk akhri dafa meri us pe nzar pari thi..
bridge adha cross ho gaya
mere paer sath nahe de rahe they
meelooo lamba fasla lag raha tha
keh achanak maine dekha
wo chehra wo ankhe
mujhye dekh rahi thi
tb mujhye ehsas hoa
us porey birdge pe
main akela tha
kahan gaye sarye musafir
ya waqt thaam gaya tha
wo mri taraf dekhti rahi
aur mere paer ruk gaye
jase mere paer mann mann bhar ke ho gaye hun
phr ussey ek call aye…
aur wo chehra
muskuraya
ankho sameit…
lakin wo baithi rahi
12 number paltform pe
koi nahe tha
bus wo thi
us ki tanhai
meri ankhein
halki si khunki
aur us ka itminan…
shayd main har gaya tha shayd dil har gaya tha
ya shayad waqt tham gaya tha
per kuch to tha…
main ussey janta tha
wo mujhye janti thi
to phr mujhye jana chaye tha
haan aesa karna chahye tha
kya hoa phr
kya wo wahin baithi rahi
kya koi ussey lene aa gaya
us ke sath kuch hoa to nahe na…
dil masom sa hota hai,,.
sirf apni sunta hai..
to us ne ek harkat kar di
us ke liye
ek dua kardi…
keh woh khair khairiyat se pochch jaye..
main aa gaya
per dil wahin reh gaya…
pata nahe kyun
soch ne gheer liya mujhye
aur sarye rastey main sochta raha
yeh aj kya ho gaya
aur kyun ho gaya
jo bhi tha
mujhye acha laga tha..
wo achi lagi thi,,.
wo waqt acha lga tha..
kyunke yeh wo pal tha
jb dil seeney ki qaid se azad ho gaya tha
aur apney rung bekhair raha tha
chaar sooo…
ek nzara tha…
12 number platform
wo larki
wo ankehin
wo khunki
wo thandi hawa
wo tanhai
aur us ka itminan…

 

اس خبر پر اپنی رائے کا اظہار کریں